Biografie
Begrawe op Palmietfontein in die Jan Boomplaas Geskiedkundige Begraafplaas; sy het saam met haar ouers van die Kaap af getrek na Jacobsdal en daar gevestig. Die 8 kinders wat sy met haar huwelik geërf het, het gewissel in ouderdom van 2 tot 16 jaar maar sy was baie lief vir hulle en hulle vir haar. Tydens die Tweede Vryheidsoorlog is sy en haar gesin met oop waens na die Konsentrasiekamp op Klerksdorp geneem en het byna al hul besittings verloor. In die kamp moes hulle 8 tot 12 persone in een kloktent woon. Haar kinders moes op die grond slaap en hulle rantsoene was net 'n pond meel, 'n halfpond vleis, 'n skraapsel suiker en koffie per dag; te min water, geen seep, te min klere en komberse, gebrek aan mediese versorging, latrines heeltemal ontoereikend. Dit is die moordkamp genoem.