Biografie

Boer; hy het eers geboer Rietvlei nr. 1, dist. Momtagu; trek na Suid Vrystaat en koop die plaas Vergelegen - eers genoem Greenlands - tussen die Oranje- en Caledonrivier 17 myl vanaf Bethulie op die ou Aliwal-Noord pad. Dit is nou 'n wildplaas genoem Tussen-die-Riviere. Vir sy nageslag was hy bekend as oupa Frikkie. Op sy plaas by Montagu was 'n plaasskool waarvan mej. Perold die prinsipale was. Agter die stalle was 'n klein geboutjie wat die eerste skool in daardie hele gebied was. Hy trek Vrystaat toe omdat hy moeg geword het vir die landbou boerdery en sou met volstruise in die Vrystaat gaan boer. Die volstruisboerdery was nog nie op dreef nie toe die val van volstruisveerpryse veroorsaak dat daar oorgeslaan moet word na gemengde boerdery. Van die volstruise word geslag en biltong gemaak en die res was deur die Grootrivier gejaag. Omdat hy gewoond was aan die skool op sy plaas het hy ook 'n skool op Vergelegen begin waar sy kinders en ouer kleinkinders dan ook skoolgegaan het. Dit was sy twee kleinseuns Fred en Leonard se werk om elke oggend die klaskamer se vloer blink te vryf. Frikkie se skoondogter Lasea Abrama Coetzee, het op 'n stadium daar skoolgehou.

Familie

Lewenslyn

Aantekeninge

Graf in Bethulie.